Владата донесе одлука за авансно обештетување- поплавените ќе добијат 1.5 милиони евра
11.08.2016
Претседателот на Владата на Република Македонија, Емил Димитриев денеска посети 20-тина поплавени куќи во Општина Илинден во присуство на градоначалникот на општината Жика Стојановски и министерот за транспорт и врски, Владо Мисајловски.
Димитриев информираше дека на владината седница одржана вчера донесена е одлука за авансно обештетување на граѓаните во висина од 1,5 милиони евра, кои ќе бидат распоредени за граѓаните погодени од поплавите.
-На вчерашната владина седница донесовме одлука да интервенираме авансно со 1,5 милиони евра средства. Тие средства после ќе бидат вкалкулирани во средствата кои ќе бидат како оштета, но сметаме дека е добро авансно да се реагира бидејќи на некои луѓе и сега им требаат, истакна премиерот.
Тимовите за проценка се на терен и работат на утврдување на настанатата штета.
Граѓаните од Илинден побараа да се донесат пумпи за испумпување на водата, по што министерот Мисајловски обезбеди дополнителен број водни пумпи.
-Дваесет пумпи ќе стигнат и веднаш ќе се распределат и ангажираат, истакна Мисајловски.