Врз основа на Одлуката за распределба на социјални станови, како и условите за нивно користење изградени по Програмата за изградба, продажба и одржување на станбениот простор во сопственост на Република Северна Македонија („Службен весник на Република  Северна Македонија“ бр.37/22 и 38/22), Министерството за транспорт на Република Северна Македонија

 

ОБЈАВУВА ОГЛАС

за распределување на 21 социјален стан во општина Струмица во станбенa зградa на улицa „Ѓорѓи Василев“ бр. 44 во Струмица изградени по Програмата за изградба, продажба и одржување на станбениот простор во сопственост на Република Северна Македонија, а согласно рамковниот договор за заем склучен меѓу Банката за развој при Советот на Европа и Република Северна Македонија

 

Барање за добивање на социјален стан за користење под закуп може да поднесе лице:

• државјанин на Република Северна Македонија;
• со постојано место на живеење во општината и општините на Градот Скопје каде е изграден социјалниот стан и
• без стан во лична сопственост, на брачниот другар и на полнолетните членови на неговото заедничко домаќинство на територијата на Република Северна Македонија.

Корисници на социјални станови може да бидат следните категории на граѓани кои се станбено необезбедени:

1. Деца без родители или родителска грижа - лица над 18 години кои до својата осумнаесетта година биле згрижени во институции и други облици за згрижување за деца без родители.
2. Корисници на правото на гарантирана минимална помош.
3. Лица погодени од елементарни-природни непогоди без разлика на правниот статус на нивните постојни (примарни) живеалишта.
4. Лица со попреченост и семејства со лица со попреченост.
5. Лица припадници на Ромската заедница социјално загрозени согласно Стратегијата за Ромите на Република Северна Македонија.
6. Самохрани родители со малолетни деца.

Социјалните станови ќе се распределуваат согласно Методологијата за бодирање на кандидати за добивање на социјален стан под закуп составен дел на Одлуката за распределба на социјални станови, како и условите за нивно користење изградени по Програмата за изградба, продажба и одржување на станбениот простор во сопственост на Република Северна Македонија („Службен весник на Република Северна Македонија“ бр.37/22 и 38/22).

-   Максималниот број на бодови што може да го добијат лицата во категориите кориснички групи од точка 1, 2, 4 ,5 и 6  на оваа одлука е 100 бода.

-  На лицата  од  точка 1 и 3  им се распределува социјален стан под закуп ако ги исполнуваат условите и ја имаат доставено потребната документација согласно објавениот оглас, а останатите нераспределени станови од објавениот оглас ќе се распределуваат на останатите категории кориснички групи од точка 2, 4  и 6 (со исклучок на  категоријата на баратели од точка 5 за која е утврден процент на станови до 10% од останатиот број на нераспределени станови) врз основа на следната формула:

 

Вкупен број на останати                               Вкупен број на обрасци за  апликативни                          Број на станови наменети нераспределени станови                Х           листи од посебна корисничка група________         =        за посебна  корисничка                   100                                                 Вкупен број на обрасци за апликатвни листи                    група  пријавени на оглас______________________                                                                                     100

 

-  При распределбата на социјалните станови освен за корисниците на социјални станови од точка 1 и 3  ќе се земе во предвид:

  - бројот на членови во заедничкото домаќинство;

  - вкупниот месечен расположлив прилив на средства по член на заедничкото домаќинство да не изнесува повеќе од 70 евра во  

    денарска противвредност пресметан по среден курс на Народната банка на Република Северна Македонија објавен на денот на

    објавувањето на огласот во дневните јавни гласила;

  - старосната структура за заедничкото домаќинство;

  - попреченоста согласно Законот за социјална заштита и Законот за заштита на децата и

  - активното учество во програмите за вработување или вработеност.

 

-  Бодирање на корисниците на станови од категоријата oд точка 1 - Деца без родители или родителска грижа - лица над 18 години кои до својата осумнаесетта година биле згрижени во институции и други облици за згрижување за деца без родители, кое ќе се применува доколку на објавен оглас вкупниот број на обрасци за апликативни листи од оваа корисничка група е поголем од вкупниот број на социјални станови наменети за распределба.

 

Услови и потребна документација

за лицата корисници на социјални станови по категории кориснички групи

 

1.Деца без родители или родителска грижа –лица над 18 години кои до својата осумнаесетта година биле згрижени во институции и други облици за згрижување за деца без родители

• Лицата од точка 1 треба да ги исполнуваат следниве услови:
• Да се државјани на Република Северна Македонија;
• Да имаат статус на деца без родители или родителска грижа - лица над 18 години кои до својата осумнаесетта година биле згрижени во институции и други облици за згрижување за деца без родители;
• Да се со постојано место на живеење во општината и општините на Градот Скопје каде е изграден социјалниот стан;
• Лицето, неговиот брачен другар и сите членови на неговото заедничко домаќинство да немаат стан, куќа или куќа за одмор во нивна сопственост на територијата на Република Северна Македонија и
• Да не се станбено обезбедени од страна на Република Северна Македонија по било кој основ со исклучок на лицата кои веќе се стекнале со право на стан под закуп на територија на Република Северна Македонија со времено решение.
• Лицата од точка 1 при аплицирање за добивање на социјален стан под закуп потребно е да ја приложат следната документација до Центарот за социјална работа во општината каде е изграден социјалниот стан:
• Потврда за статус на дете без родители или родителска грижа од надлежниот Центар за социјална работа;
• Уверение за состојба за остварен доход за претходната година, издадено од страна на Управата за јавни приходи за лицето, неговиот брачен другар и сите полнолетни членови на неговото заедничко домаќинство;
• Уверение за евидентиран - запишан недвижен имот издадено од Агенцијата за катастар на недвижности на Република Северна Македонија за лицето, неговиот брачен другар и сите полнолетни членови на неговото заедничко домаќинство;
• Уверение за државјанство за лицето, неговиот брачен другар и сите полнолетни членови на неговото заедничко домаќинство;
• Фотокопија од важечка лична карта за лицето, неговиот брачен другар и сите полнолетни членови на неговото заедничко домаќинство со постојано место на живеење во општината каде е изграден социјалниот стан;
• Извод од матична книга на родени за лицето и сите членови на неговото заедничко домаќинство;
• Извод од матична книга на венчани или доказ за раскинување на брачен статус;
• Потврда од Агенцијата за вработување на Република Северна Македонија за нивниот статус на работен однос за сите полнолетни членови од заедничкото домаќинство на лицето;
• Доколку некој од заедничкото домаќинство учествува во активните мерки за вработување во Агенцијата за вработување на Република Северна Македонија - треба да достави договор за учество во одделна програма односно мерка за вработување;
• Доколку некој од заедничкото домаќинство остварува прилив на средства - треба да достави потврда за висината на приливот на средства за последните три месеци од институцијата (претпријатието/друштвото) од каде е приливот на тие средства;
• Потврда од Акционерското друштво за изградба и стопанисување со станбен простор и со деловен простор од значење за Републиката – Скопје, дека лицето, неговиот брачен другар и сите полнолетни членови  на неговото заедничко домаќинство не се корисници на стан под закуп на територија на Република Северна Македонија, со исклучок доколку се стекнале со право на стан под закуп на терторија на Република Северна Македонија врз основа на времено решение и
• Доколку лицето или член од неговото заедничко домаќинство се со одредена попреченост да се достави Решение од Центарот за социјална работа за остварување на правото на надоместок за попреченост или правото на посебен додаток.

 

2. Корисници на правото на гарантирана минимална помош

• Лицата од точка 2 треба да ги исполнуваат следниве услови:
• Да се државјани на Република Северна Македонија;
• Да се корисници на гарантирана минимална помош;
• Да се со постојано место на живеење во општината и општините на Градот Скопје каде е изграден социјалниот стан;
• Лицето, неговиот брачен другар и сите членови на неговото заедничко домаќинство да немаат стан, куќа или куќа за одмор во нивна сопственост на територијата на Република Северна Македонија и
• Да не се станбено обезбедени од страна на Република Северна Македонија по било кој основ.
• Лицата од точка 2 при аплицирање за добивање на социјален стан под закуп потребно е да ја приложат следната документација до Центарот за социјална работа во општината каде е изграден социјалниот стан:
• Потврда од Центарот за социјална работа во општината или од Центрите за социјална работа во општините на Градот Скопје каде е изграден социјалниот стан, дека лицето/та е корисник на гарантирана минимална помош;
• Уверение за состојба за остварен доход за претходната година, издадено од страна на Управата за јавни приходи за лицето, неговиот брачен другар и сите полнолетни членови на неговото заедничко домаќинство;
• Уверение за евидентиран - запишан недвижен имот издадено од Агенцијата за катастар на недвижности на Република Северна Македонија за лицето, неговиот брачен другар и сите полнолетни членови на неговото заедничко домаќинство;
• Уверение за државјанство за лицето, неговиот брачен другар и сите полнолетни членови на неговото заедничко домаќинство;
• Фотокопија од важечка лична карта за лицето, неговиот брачен другар и сите полнолетни членови на неговото заедничко домаќинство со постојано место на живеење во општината каде е изграден социјалниот стан;
• Извод од матична книга на родени за лицето и сите членови на неговото заедничко домаќинство;
• Извод од матична книга на венчани или доказ за раскинување на брачниот статус;
• Доколку некој од заедничкото домаќинство учествува во активните мерки за вработување во Агенцијата за вработување на Република Северна Македонија - треба да достави договор за учество во одделна програма односно мерка за вработување;
• Доколку некој од заедничкото домаќинство остварува прилив на средства - треба да достави потврда за висината на приливот на средства за последните три месеци од институцијата (претпријатието/друштвото) од каде е приливот на тие средства;
• Потврда од Акционерското друштво за изградба и стопанисување со станбен простор и со деловен простор од значење за Републиката - Скопје дека лицето, неговиот брачен другар и сите полнолетни членови на неговото заедничко домаќинство не се корисници на стан под закуп на територија на Република Северна Македонија по било кој основ и
• Доколку лицето или член од неговото заедничко домаќинство се со одредена попреченост да се достави Решение од Центарот за социјална работа за остварување на правото на надоместок за попреченост или правото на посебен додаток.

 

3. Лица погодени од елементарни - природни непогоди без разлика на правниот статус на нивните постојни (примарни) живеалишта

• Лицата од точка 3 треба да ги исполнуваат следниве услови:
• Да се државјани на Република Северна Македонија;
• Лица погодени од елементарни - природни непогоди без разлика на правниот статус на нивните постојни (примарни) живеалишта во општината каде е изграден социјалниот стан;

- Лицата треба да се евидентирани од страна на општинската комисија за елементарни - природни непогоди во општината и општините на Градот Скопје каде е изграден социјалниот стан;

• Да не се станбено обезбедени од страна на Република Северна Македонија по било кој основ и
• Да се со постојано место на живеење во општината и општините на Градот Скопје каде е изграден социјалниот стан.
• Лицата од точка 3 при аплицирање за добивање на социјален стан под закуп потребно е да ја приложат следната документација до Центарот за социјална работа во општината каде е изграден социјалниот стан:
• Акт со кој се потврдува дека лицето, неговиот брачен другар и сите членови на неговото заедничко домаќинство се лица погодени од елементарна - природна непогода евидентирани од страна на општинската комисија за елементарни – природни непогоди во општината и во општините во Градот Скопје каде е изграден социјалниот стан;
• Уверение за состојба за остварен доход за претходната година, издадено од страна на Управата за јавни приходи за лицето, неговиот брачен другар и сите полнолетни членови на неговото заедничко домаќинство;
• Уверение за евидентиран - запишан недвижен имот издадено од Агенцијата за катастар на недвижности на Република Северна Македонија за лицето, неговиот брачен другар и сите полнолетни членови на неговото заедничко домаќинство;
• Уверение за државјанство за лицето, неговиот брачен другар и сите полнолетни членови на неговото заедничко домаќинство;
• Фотокопија од важечка лична карта за лицето, неговиот брачен другар и сите полнолетни членови на неговото заедничко домаќинство со постојано место на живеење во општината каде е изграден социјалниот стан;
• Извод од матична книга на родени за лицето и сите членови на неговото заедничко домаќинство;
• Доколку некој од заедничкото домаќинство учествува во активните мерки за вработување во Агенцијата за вработување на Република Северна Македонија - треба да доставу договор за учество во одделна програма односно мерка за вработување;
• Извод од матична книга на венчани или доказ за раскинување на брачниот статус;
• Потврда од Акционерското друштво за изградба и стопанисување со станбен простор и со деловен простор од значење за Републиката-Скопје дека лицето, неговиот брачен другар и сите полнолетни членови на неговото заедничко домаќинство не се корисници на стан под закуп на територија на Република Северна Македонија по било кој основ и
• Доколку лицето или член од неговото заедничко домаќинство се со одредена попреченост да се достави Решение од Центарот за социјална работа за остварување на правото на надоместок за попреченост или правото на посебен додаток.

 

4. Лица со попреченост и семејства со лица со попреченост

• Лицата од точка 4 треба да ги исполнуваат следниве услови:
• Да се државјани на Република Северна Македонија;
• Да се лица со попреченост или семејства на лица со попреченост согласно Законот за социјална заштита и Законот за заштита на децата;
• Да се со постојано место на живеење во општината и општините на Градот Скопје каде е изграден социјалниот стан;
• Лицето, неговиот брачен другар и сите членови на неговото заедничко домаќинство да немаат стан, куќа или куќа за одмор во нивна сопственост на територија на Република Северна Македонија и
• Да не се станбено обезбедени од страна на Република Северна Македонија по било кој основ.
• Лицата од точка 4 при аплицирање за добивање на социјален стан под закуп потребно е да ја приложат следната документација до Центарот за социјална работа во општината каде е изграден социјалниот стан:
• Решение од Центарот за социјална работи за остварување на правото на надоместок за попреченост или правото на посебен додаток;
• Уверение за состојба за остварен доход за претходната година, издадено од страна на Управата за јавни приходи за лицето, неговиот брачен другар и сите полнолетни членови на неговото заедничко домаќинство;
• Уверение за евидентиран - запишан недвижен имот издадено од Агенцијата за катастар на недвижности на Република Северна Македонија за лицето, неговиот брачен другар и сите полнолетни членови на неговото заедничко домаќинство;
• Уверение за државјанство за лицето, неговиот брачен другар и сите полнолетни членови на неговото заедничко домаќинство;
• Фотокопија од важечка лична карта за лицето, неговиот брачен другар и сите полнолетни членови на неговото заедничко домаќинство со постојано место на живеење во општината каде е изграден социјалниот стан;
• Извод од матична книга на родени за лицето и сите членови на неговото заедничко домаќинство;
• Извод од матична книга на венчани или доказ за раскинување на брачниот статус;
• Потврда од Акционерското друштво за изградба и стопанисување со станбен простор и со деловен простор од значење за Републиката-Скопје дека лицето, неговиот брачен другар и сите полнолетни членови на неговото заедничко домаќинство не се корисници на стан под закуп на територија на Република Северна Македонија по било кој основ;
• Доколку некој од заедничкото домаќинство учествува во активните мерки за вработување во Агенцијата за вработување на Република Северна Македонија - треба да достави договор за учество во одделна програма односно мерка за вработување и
• Доколку некој од заедничкото домаќинство остварува прилив на средства - треба да достави потврда за висината на приливот на средства за последните три месеци од институцијата (претпријатието/друштвото) од каде е приливот на тие средства.

 

5. Лица припадници на Ромската заедница социјално загрозени согласно Стратегијата за Ромите на Република Северна Македонија

• Лицата од точка 5 треба да ги исполнуваат следниве услови:
• Да се државјани на Република Северна Македонија;
• Да се припадници на Ромската заедница;
• Да се корисници на гарантирана минимална помош;
• Да се со постојано место на живеење во општината и општините на Градот Скопје каде е изграден социјалниот стан;
• Лицето, неговиот брачен другар и сите членови на неговото заедничко домаќинство да немаат стан, куќа или куќа за одмор во нивна сопственост на територија на Република Северна Македонија и
• Да не се станбено обезбедени од страна на Република Северна Македонија по било кој основ.
• Лицата од точка 5 при аплицирање за добивање на социјален стан под закуп потребно е да ја приложат следната документација до Центарот за социјална работа во општината каде е изграден социјалниот стан:
• Потврда од Ромските информативни центри или Невладини Ромски организации кои се регистрирани во општината и во општините на Градот Скопје каде е изграден социјалниот стан дека лицето е евидентирано како лице припадник на Ромската заедница;
• Потврда од Центарот за социјална работа во општината или од Центрите за социјална работа во општините на Градот Скопје каде е изграден социјалниот стан, дека лицето/та е корисник на гарантирана минимална помош;
• Уверение за состојба за остварен доход за претходната година, издадено од страна на Управата за јавни приходи за лицето, неговиот брачен другар и сите полнолетни членови на неговото заедничко домаќинство;
• Уверение за евидентиран - запишан недвижен имот издадено од Агенција за катастар на недвижности на Република Северна Македонија за лицето, неговиот брачен другар и сите полнолетни членови на неговото заедничко домаќинство;
• Уверение за државјанство за лицето, неговиот брачен другар и сите полнолетни членови на неговото заедничко домаќинство;
• Фотокопија од важечка лична карта за лицето, неговиот брачен другар и сите полнолетни членови на неговото заедничко домаќинство со постојано место на живеење во општината каде е изграден социјалниот стан;
• Извод од матична книга на родени за лицето и сите членови на неговото заедничко домаќинство;
• Извод од матична книга на венчани или доказ за раскинување на брачниот статус;
• Доколку некој од заедничкото домаќинство остварува прилив на средства - треба да достави потврда за висината на приливот на средства за последните три месеци од институцијата (претпријатието/друштвото) од каде е приливот на тие средства;
• Доколку некој од заедничкото домаќинство учествува во активните мерки за вработување во Агенцијата за вработување на Република Северна Македонија - треба да достави договор за учество во одделна програма односно мерка за вработување;
• Потврда од Акционерското друштво за изградба и стопанисување со станбен простор и со деловен простор од значење за Републиката-Скопје дека лицето, неговиот брачен другар и сите полнолетни членови на неговото заедничко домаќинство не се корисници на стан под закуп на територија на Република Северна Македонија по било кој основ и
• Доколку лицето или член од неговото заедничко домаќинство се со одредена попреченост да се достави Решение од Центарот за социјална работа за остварување на правото на надоместок за попреченост или правото на посебен додаток.

 

6. Самохрани родители со малолетни деца

• Лицата од точка 6 треба да ги исполнуваат следниве услови:
• Да се државјани на Република Северна Македонија;
• Да се самохрани родители на малолетни деца согласно Законот за социјална заштита;
• Лицето и сите членови на неговото заедничко домаќинство да немаат стан, куќа или куќа за одмор во нивна сопственост на територија на Република Северна Македонија;
• Да не се станбено обезбедени од страна на Република Северна Македонија по било кој основ и
• Да се со постојано место на живеење во општината и општините на Градот Скопје каде е изграден социјалниот стан.
• Лицата од точка 6 при аплицирање за добивање на социјален стан под закуп потребно е да ја приложат следната документација до Центарот за социјална работа во општината каде е изграден социјалниот стан:
• Уверение за состојба за остварен доход за претходната година, издадено од страна на Управата за јавни приходи за лицето, неговиот брачен другар и сите полнолетни членови на неговото заедничко домаќинство;
• Уверение за евидентиран - запишан недвижен имот издадено од Агенција за катастар на недвижности на Република Северна Македонија за лицето и сите полнолетни членови на неговото заедничко домаќинство;
• Уверение за државјанство за лицето и сите полнолетни членови на неговото заедничко домаќинство;
• Фотокопија од важечка лична карта за лицето, неговиот брачен другар и сите полнолетни членови на неговото заедничко домаќинство со постојано место на живеење во општината каде е изграден социјалниот стан;
• Извод од матична книга на родени за лицето и сите членови на неговото заедничко домаќинство;
• Извод од матична книга на венчани или доказ за раскинување на брачниот статус;
• Потврда од Агенција за вработување на Република Северна Македонија за нивниот статус на работен однос за сите полнолетни членови од заедничкото домаќинство на лицето;
• Доколку некој од заедничкото домаќинство остварува прилив на средства - треба да достави потврда за висината на приливот на средства за последните три месеци од институцијата (претпријатието/друштвото) од каде е приливот на тие средства;
• Доколку некој од заедничкото домаќинство учествува во активните мерки за вработување во Агенцијата за вработување на Република Северна Македонија - треба да достави договор за учество во одделна програма односно мерка за вработување;
• Доколку лицето или член од неговото заедничко домаќинство се со одредена попреченост да се достави Решение од Центарот за социјална работа за остварување на правото на надоместок за попреченост или правото на посебен додаток;
• Доколку едниот од родителите е починат - треба да се достави извод од матичната книга на умрените за починатиот родител;
• Доколку едниот од родителите е исчезнат - треба да се достави потврда од Министерството за внатрешни работи дека едниот од родителите е исчезнат односно нема престојувалиште во Република Северна Македонија;
• Доколку едниот од родителите од оправдани причини привремено или трајно не ги извршува родителските права и должности -треба да достави некој од следниве докази: потврда дека е на извршување на казна затвор од Управата за извршување на санкции или потврда од здравствена установа дека е на долготрајно лекување или решение од суд за одземено родителско право или решение од суд за одземена деловна способност или решение на Центар за социјална работа или договор за сместување во старски дом или во установа за вонсемејна заштита;
• Потврда од Акционерското друштво за изградба и стопанисување со станбен простор и со деловен простор од значење за Републиката-Скопје дека лицето, неговиот брачен другар и сите полнолетни членови на неговото заедничко домаќинство не се корисници на стан под закуп на територија на Република Северна Македонија по било кој основ и
• Потврди за редовно школување за децата кои се на редовно школување.

 

Подносителот на барањето за добивање на социјален стан под закуп може да поднесе документација и да аплицира само за една од шестте категории корисници на социјални станови. Доколку лицето или некој од членовите на неговото заедничко домаќинство поднесе повеќе од еден образец за апликативна листа односно аплицира во повеќе од една од категориите на корисници, сите поднесени обрасци за апликативни листи ќе бидат отфрлени.

 

Потребната документација лицата ја поднесуваат до:

• ЈУ Меѓуопштински центар за социјална работа – Струмица, улица „Ленинова” бр. 84 во Струмица.

 

       Документацијата треба да биде во оригинал или препис заверен на нотар и истата не може да биде постара од 6 (шест) месеци, освен документите кои се обележени од надлежен орган како трајни.

За лицата кои не се во можност сами да ја комплетираат потребната документација, ЈУ Меѓуопштински центар за социјална работа во Струмица  ќе ја обезбеди потребната помош за обезбедување на целокупната потребна документација согласно објавениот оглас.

 

Потребната документација која лицата ја поднесуваат до ЈУ Меѓуопштински центар за социјална работа во Струмица треба да биде доставена заклучно со 02.04.2025 година.

 

Заинтересираните граѓани за податални информации може да ги контактираат следните лица:

• г-ѓа Сузана Камческа, Министерство за транспорт (контакт телефон:072/229-161)
• г-ѓа Катерина Савовска, Министерство за социјална политика, демографија и млади, (контакт телефон:078/233-112)
• г-ѓа Силвана Коцева, Министерство за социјална политика, демографија и млади, (контакт телефон:071/200-466)
• г-ѓа Верица Мандак, ЈУ Меѓуопштински центар за социјални работи - Струмица (контакт телефон: 077/930-669)
• г-дин Ристо Стаменов, ЈУ Меѓуопштински центар за социјални работи - Струмица (контакт телефон: 078/221-932)

Со овој оглас се распределуваат вкупно 21 социјален стан во општина Струмица.

 

Следува табелa од Акционерско друштво за изградба и стопанисување со станбен простор и со деловен простор од значење за Републиката-Скопје со податоци за становите:

 (Имотен лист број 55590, КП бр.7377)

 

Ред. Бр.	Улица	Број на зграда	Влез	Кат	Број на стан	Површина на стан (м2)	Површина на (лоѓија/ тераса/ балкон)  (м2)	Површина на подрум (м2)
1	2	3	4	5	6	7	8	9
1	Ѓорѓи Василев	44	1	2	14	43.00	3.00	5.00
2	Ѓорѓи Василев	44	1	2	15	44.00	3.00	5.00
3	Ѓорѓи Василев	44	1	2	18	44.00	3.00	8.00
4	Ѓорѓи Василев	44	1	2	20	44.00	3.00	7.00
5	Ѓорѓи Василев	44	1	3	21	43.00	3.00	7.00
6	Ѓорѓи Василев	44	1	3	22	44.00	3.00	5.00
7	Ѓорѓи Василев	44	1	3	24	43.00	3.00	5.00
8	Ѓорѓи Василев	44	1	3	25	44.00	3.00	7.00
9	Ѓорѓи Василев	44	1	3	26	43.00	3.00	8.00
10	Ѓорѓи Василев	44	1	4	28	43.00	3.00	7.00
11	Ѓорѓи Василев	44	1	4	29	44.00	3.00	6.00
12	Ѓорѓи Василев	44	1	4	30	43.00	3.00	6.00
13	Ѓорѓи Василев	44	1	4	31	43.00	3.00	6.00
14	Ѓорѓи Василев	44	1	4	32	44.00	3.00	5.00
15	Ѓорѓи Василев	44	1	4	33	43.00	3.00	5.00
16	Ѓорѓи Василев	44	1	4	34	44.00	3.00	5.00
17	Ѓорѓи Василев	44	1	5	37	43.00	3.00	6.00
18	Ѓорѓи Василев	44	1	5	38	43.00	3.00	7.00
19	Ѓорѓи Василев	44	1	5	39	44.00	3.00	6.00
20	Ѓорѓи Василев	44	1	5	40	43.00	3.00	6.00
21	Ѓорѓи Василев	44	1	5	41	44.00	3.00	6.00

 

 ОГЛАС за социјални станови - Струмица